Kryeministri Edi Rama thotë se Partia Demokratike fatkeqëissht kujton dhe sillet sikur të ishte një qeveri, duke “harruar” se ajo tashmë është në opozitë prej dy vitesh e gjysmë.
“Ti thuash PD partia Demokratike është eufemizëm.Shqipëria ka një problem madhor se nuk ka opozitë, por dy qeveri, njëra e votuar nga vendi dhe tjetra e rrëzuar nga ajo. Qeveria tjetër nuk ka cfarë të bëjë për sa kohë se ajo nuk është zgjuar dhe nuk ka kuptuar se ajo nuk është më qeveri… për sa kohë ajo nuk është ngritur nga disfata e fundit… dhe e ka të pamundur të ngrihet, por kjo është një bisedë tjetër.”- tha Rama.
Në një eveniment për anëtarësimet e reja në Tiranë, mbajtur në Kishën Ortodokse, Rama tha se shifrat e dala nga sondazhet e bëra nga PS, tregojnë se 11% e shqiptarëve është e gatshme ti bashkohet PS-së, ndërsa PD-së vetëm 6 %.
“Pas një ankete që kemi bërë, jemi suprizuar që pyetjes, a jeni i gatshëm të anëtarësoheni në PS, i përgjigjen po 11%… a e dini cdo të thotë 11% e një kampioni që përfaqëson të gjithë Shqipërinë? Ndërkohë që për po të njëjtën pyetje për PD-në, i përgjigjen po vetëm 6%.”- tha Rama.
Në lidhje me reformat e ndërmarra Rama tha se ishte një gabim nisja e reformës së energjisë me vonesë.
“Bëmë një gabim që e vonuam fillimin e reformës së energjisëpër shkak të një ngurrimi të madh të pjesës dërrmuese të njerëzve që e përgatitën… se mos kjo reformë do na dëmtonte. Do duhej ta kishim filluar menjëherë dhe i mbetur në minorancë për këtë vendim, unë ngurrova për të nisur betejën.”- theksoi Kryeministri.
Ai deklaroi më tej se ministri i Brendshëm, Saimir Tahiri mund të futet në librin e rekordeve ‘Guiness’ për shkak të numrit të madh të deklaratave të bëra nga PD-ja dhe se aksioni në Lazarat ka prekur mjaft interesa.
“Lazarati nuk ishte ajo fusha me barë dhe ca ordinerë me automatik që i rezistuan policisë nja 5 ditë, pro ishte një fushë me bar që nxirrte para të zeza. Lazarati ishte një bankë parash të zeza që qarkullonte miliarda… dhe këto para diku shkonin dhe tanimë nuk shkojnë më. Tani ata që ishin aksionerë të kësaj banke, cfarë mund të bëjnë tjetër përvecse të investojnë para dhe fuqi politike e mediatike për të inkriminuar Ministrin e Brendshëm…? Nuk është teori konspirative kjo, por është fakt… Thërret në ndihmë pularinë për të sulmuar qeverinë në detyrë,… kjo është një rezistencë kundër reformave, jo ndaj Sajmir Tahiri, Ilir Beqjës apo mua.”- tha Rama.
