Pas Sarandës, kreu i PS është ndalur në Gjirokastër mbrëmjen e së enjtes ku përsëritur mesazhet elektorale.
Duke sulmuar institucionet që drejtohen prej rreth 4 vitesh nga LSI, Rama tha se koha e shërbimeve që përfitohen si favore, duhet të marrë fund.
“Ekonomia rritet duke i përzënë partitë e pushtetit nga zyrat e shtetit. Duke bërë që hipotekat, patentat dhe licencat të merren sepse të takon, jo sepse je kushuri i drejtorit. Apo pse një parti të bën me hipotekë, apo me patentë, apo me licencë. Kjo është e patolerueshme më!” – tha Rama.
Para mbështetësve gjirokastritë, kryeministri u ndal edhe në sulmet se ai personalisht dhe PS po luftojnë për pushtet.
“Unë nuk dua më shumë pushtet për vete. Po të më shqetësonte kjo, Luli do ishte akoma në çadër duke u lutur që të binte shi për të freskuar çadrën nga vapa. Ndërsa ne do ishim në hije. Në zgjodhëm rrugën që na takon, atë për të bërë një marrëveshje që të gjithë shqiptarët të hynë në zgjedhje” – tha Rama.
