Kryeministri Edi Rama përmes një postimi në rrjetet sociale, ndau pamjet nga Xhamia e Ballies në Elbasan, e cila së fundmi është vlerësuar me një çmim ndërkombëtar prestigjioz.
Në një postim në Facebook, Rama thekson se Xhamia e Ballies, e rindërtuar dhe e rilindur në zemër të Elbasanit, është vlerësuar si një nga objektet më të veçanta të kultit në botë, duke fituar Çmimin Ndërkombëtar 2025 nga platforma ArchDaily për Arkitekturën më të Bukur Fetare.
“Mirëmëngjes dhe me Xhaminë e Ballies në zemër të Elbasanit, tashmë e rilindur e vlerësuar si një nga objektet më të veçanta të kultit në botë dhe fituese e Çmimit Ndërkombëtar 2025 nga ArchDaily për Arkitekturën më të Bukur Fetare, ju uroj një javë të mbarë”, shkruan Rama.
Ore kryeministër, në vend që të mendosh për rilindjen e godinës së teatrit Skampa, ti na promovon këto paçavure fetare që mirë që nuk po i heqim, por të paktën mos i shtojmë. Edhe ajo fabula e bashkëjetesës fetare po, është e vërtetë që fetë në Shqipëri bashkëjetojnë paqësisht. Por kjo ndodh sepse shqiptarët janë popull ateist, ose më e shumta paganë. Dhe falë kësaj ndjenje të thellë brenda në mendjen e çdo shqiptari, fenë e kanë thjeshtë sa për kulturë dhe kurrë nuk kanë besuar seriozisht dhe fanatikisht. Kjo është arsyeja që bashkëjetojnë paqësisht fetë, dhe jo sepse jemi besimtarë të devotshëm. Dhe me këtë të kthehem te përmbajtja e artikullit, ajo xhamia vërtetë është e veçantë dhe moderne në arkitekturë, por stonon shumë me ambjentin përreth si në Kandahar. Rregullo teatrin Skampa sepse është një aset vërtetë i rrallë jo vetëm në Shqipëri, por edhe në Ballkan. Ka akustikën ndër më të mirat në rajon. Por artistët ngrijnë nga i ftohti në dimër aty dhe kjo është skandaloze për një kryeministër artist që në vend të rregullojë teatrin, promovon godinën ngjitur me teatrin që në të shumtën e rasteve në vend të na iluminoje feja na ka errësuar.