Kryeministri Edi Rama ishte pasditen e sotme në inspektim në zonën e Rindërtimit në Kombinat, ku ka nisur hedhja e shorteve për 500 apartamente të reja, ndërkohë që puna vazhdon për pjesën tjetër të projektit.
Së bashku me Ramën, ishte dhe minstri i Ekonomisë, Kulturës dhe Inovacionit Blendi Gonxhja dhe Kryetarja e deleguar e Bashkisë së Tiranës, Anuela Ristani.
Gjatë inspektimit, Rama theksoi se zhvillimi i rindërtimit në këtë zonë është penguar nga individë dhe gjykatës të papërgjegjshëm, që kanë përdorur lojëra politike dhe juridike për të vonuar procesin. Rama shtoi se nëse nuk do të kishin ndodhur këto pengesa, investimi do të ishte përfunduar brenda kalendarit të parashikuar.
Rama: Janë marrë peng disa zhvillime. Një pjesë e kemi kapërcyer nga gjykatës të papërgjegjshëm. Edhe vonesa këtu në Kombinat është e lidhur me një lojë të bërë të individëve me gjykatës dhe masha politike që janë future për ta penguar. Nëse do ishin bërë gjërat sipas kalendarit investimi do kishte përfunduar. Kjo ëhstë hisotia në këtë qytet. Hidh një hap e përballohu me një stërkëmbësh. Sepse po të ishte bërë sipas kalendarit dhe të mos ishte penguar do kishte përfunduar.
Gonxhja: Janë bërë transaksione edhe më pas dhe na kanë penguar, me shpronësime e dokumente
Më pas kryeminsitri pati dhe një shkëmbim batutash me disa prej qytetarëve aty të pranishëm, një pjesë prej të cilëve kanë hyrë në shtëpitë e reja.
Rama i drejtohet një qytetari: Mos rri me fytyrë të varur, se do e marrësh shtëpinë. Na kanë penguar gjykatat, do e merrni komplet. Të gjithë do e marrin. Kemi pasur probleme me gjykatat dhe mashat politike.
Rama i drejtohet një tjetri: Do e marrësh shtëpinë me ujë me drita me të gjitha.
Rama i drejtohet një tjetër qytetari: Durim, durim. Siç po e shihni shtëpitë të gjithë do i marrin më të forta, më të bukura. Edhe falas
