Kryeministri Edi Rama i shoqëruar edhe nga Kryetari i Kuvendit Ilir Meta dhe deputetë të PS-së në vijim të turit të prezantimeve të kandidatëve për Kryetarë Bashkie në Zgjedhjet e 21 Qershorit janë ndalur në Delvinë ku kanë prezantuar Rigels Balilin.
Kreu i Kuvendit Ilir Meta është shprehur se Delvina do ti japë fund agonisë së saj më 21 qershor pasi kandidati i Aleancës për Shqipërinë Evropiane Rigels Balili do të bëjnë të mundur hapjen e vendeve të reja të punës.
Sipas Metës qëllimi i Partisë Demokratike është që të marrë pushtetin vendor për ta konfliktuar më pas këtë pushtet me atë qendror.
Kryeministri Rama është shprehur se kandidatët e djathtë për bashkitë nuk kanë për detyrë që të punojnë për komunitetin por vetëm që të bëjnë zëdhënësin e SHQUP-it.
Po ashtu Rama ka thënë se vota e 21 qershorit për kandidatin e majtë është një votë që shkon për investimet dhe shërbimet që do të ketë Delvina fill pas zgjedhjeve.
Redaksia Online
(JavaNews.al)
