Qendra Kombëtare e Kinematografisë në Shqipëri ka marrë vendim që t’i mbështesë shtatë filma të metrazhit të shkurtë, shkruan KultPlus. Sipas një njoftimi të lëshuar nga ky institucion mësohet se filmat e shkurtë që do të mbështeten janë:
“I ardhur nga ëndrrat”, skenari dhe regjia Vladimir Prifti, producent shtëpia kinematografike “Euro Film” sh.p.k.; “Një film i premtuar”, skenari dhe regjia Petrit RUKA, producent shtëpia kinematografike “Tunnel Film” sh.p.k; “Shtëpia anës rrugës”, skenari dhe regjia Genti KAME, producent shtëpia kinematografike “Gentius Film” sh.p.k; “Anija”, skenari dhe regjia Benart Laze, producent shtëpia kinematografike “Filter Film” sh.p.k; “Gruaja pa kohë”, skenari Shaban Sinani, regjia Donard Hasani, producent shtëpia kinematografike “Partizani Production” sh.p.k; “Tirana, 100 km”, skenari dhe regjia Lorin Terezi, producent “Mov(i)e On” p.f dhe “Dieta”, skenari dhe regjia Vivian Rama, producent shtëpia kinematografike “Erë Film” sh.p.k.
Kurse anëtarët e komisionit kanë rekomanduar se projekti për film artistik me metrazh të shkurtër “Contromano”, me skenar dhe regji të Andamion Murataj e me producent shtëpia kinematografike “Lissus Media” sh.p.k. të aplikojë në skemën film artistik metrazhi i gjatë – Indipendent. (b.an)
