Policia gjermane ka bërë me dije se ditën e hënë është vetëdorëzuar tek autoritetet në Biefeld motra e boksierit të vrarë Besar Nimani.
Gruaja 33 vjeçare ishte shpallur në kërkim disa ditë më parë pasi dyshohet se ishte një nga autorët e sulmit në një gjykatë gjermane ndaj familjarëve të të dyshuarit kryesor për vrasjen e vëllait të saj.
“Një grua 33-vjeçare nga Bielefeld, e kërkuar nga policia dhe prokuroria publike në bazë të një urdhër-arresti, është vetëdorëzuar në policinë e Bielefeldit mbrëmjen e 28 shkurtit 2025, e shoqëruar nga avokati i saj”, shkruhet në njoftimin e policisë.
Sipas policisë, e dyshuara nuk e ka pranuar fajësinë dhe tashmë është dërguar në një qendër paraburgimit. Në fund policia njoftoi se katër personat e plagosur në këtë ngjarje janë në gjendje të qëndrueshme.
