Nga Mentor Kikia
Nga të gjithë analistët, që janë bërë të tillë pa shkelur një ditë në rrugën e lajmit dhe pa bërë asnjë ditë gazetarin/reporterin, ata që mi sjellin zorrët tek goja, janë ata që bëjnë orakullin:
-Do të ketë zhvillime të mëdha në ditët në vazhdim(dhe këtu në fakt ka gjithmonë zhvillime).
-Së shpejti do të ketë arrestime të bujshme!
-Brenda muajit do të ndodhë një gjë e madhe!
-E ke informacion, apo parashikim? – ndërhyn moderatori/ja?
-Kam informacion, por kam edhe një parandjenjë. Dhe ti e di që mua më del.
-Që mos të thoni pse nuk ua thashë: Një i madh fare do të bjerë në rrjetë së shpejti.
-Po i madhi fare është kryeministri…- ndërhyn sërish moderatori/ja
-Ju e thatë, unë nuk përmenda emra.
-Po kur, sa shpejt?
-Punë ditësh, maksimumi javësh ose muajsh. Ka ardhur njëri nga Amerika me listë. Eshtë llaf i sigurtë nga brenda…
Dhe shpërndahet haberi i madh gojë më gojë, portal më portal e faqe më faqe në rrjetet sociale…
“Parashikimi i fortë i analistit”; “Ja çfarë do të ndodhë së shpejti”;, “Ja kush është peshku i madh që do të arrestohet së shpejti”, …
Dhe kështu shtyhen mbrëmjet dhe ditët në fshatin tonë, njëra pas tjetrës, duke dëgjuar çfarë ka ndodhur sot, e duke pritur tërë ankth çfarë do të ndodhë brenda pak ditësh, maksimumi javësh ose muajsh….
Parashikinet nga realiteti Jane larg , por menyra se si po veprohet nga drejtesia e re Trevino se reforma nuk po i kenaf pritjet e popullit .Njeanshmeria ne gjykim mund te sjelle humbjen e shpreses .Paguajme taksa per reigat e tyre por kerkojme drejtesine