Analisti Lorenc Vangjeli ka shprehur rezerva tw forta rreth dosjes që lidhet me kryetarin e Bashkisë së Tiranës, Erion Veliaj. Sipas Vangjelit, disa elementë të kësaj çështjeje nuk janë të bindshëm dhe përmbajnë gabime të dukshme.
Një nga pikat kryesore që ai ngriti është “grisja e kontratës” që Veliaj ka me qytetarët e Tiranës, duke iu referuar humbjes së besimit të 250 mijë votuesve që e kanë mbështetur.
Gjithashtu, Vangjeli theksoi se ka detaje në dosje që nuk qëndrojnë logjikisht, siç është prania e lodrave të fëmijëve në shtëpinë e tij në Qerret, një element që sipas tij nuk ka peshë në këtë histori.
Një tjetër pikë e kontestuar nga analisti është pretendimi mbi një dënim të mundshëm të Veliajt. Ai e cilësoi si një “gafë trashanike” faktin që kjo akuzë u përhap pa qenë e saktë, pasi rezultoi se Veliaj nuk ishte i dënuar.
Së fundmi, Vangjeli foli edhe për një mundësitë e konfliktit të interesit mes Veliajt dhe prokurorit që po merret me çështjen e tij, duke nënvizuar se ky element duhet të merret parasysh.
Sipas analistit, për aq kohë sa ka dyshime të forta mbi këtë çështje, nuk ka arsye që Veliaj të mbahet brenda.
