Kina do të vazhdojë të ofrojë rritje të qëndrueshme e me cilësi të lartë dhe të sjellë më shumë siguri e moment pozitiv në ekonominë globale, theksoi Han Wenxiu, zv.drejtor ekzekutiv i Zyrës së Komitetit Qendror për Çështjet Financiare dhe Ekonomike, në Forumin e Zhvillimit të Kinës 2026 të mbajtur në Pekin.
Me gjithë pasiguritë globale, Kina do të mbetet e përkushtuar për thellimin e gjithanshëm të reformave dhe zgjerimin e hapjes me standarde të larta gjatë pesë vjetëve të ardhshëm, do të zgjerojë më tej hyrjen në treg, do të hapë më shumë fusha, veçanërisht në sektorin e shërbimeve, si edhe do të ofrojë hapje më të gjerë në fusha të tilla si telekomunikacioni, shëndetësia e arsimi, theksoi Han.
“Ne nuk synojmë qëllimisht suficitin tregtar, përkundrazi, jemi të përkushtuar për të promovuar zhvillimin e ekuilibruar tregtar,” tha Han, duke shtuar se Kina, në fakt, ka kohë që ka një deficit të konsiderueshëm në tregtinë e shërbimeve.
Si një vend i madh , Kina ka marrë nismën për të hapur tregun e saj, për të zgjeruar importet e produkteve dhe për të ofruar trajtim me tarifa zero për 100 % të linjave tarifore për të gjitha vendet më pak të zhvilluara që kanë marrëdhënie diplomatike me Kinën, tha zyrtari.
Historia ka vërtetuar se mjedisi afatgjatë, i qëndrueshëm dhe i sigurt i zhvillimit të Kinës e bën atë një strehë të sigurt për kapitalin ndërkombëtar, vuri në dukje Han.
