Teksa adresonte qytetarët rusë mbi rebelimin e ditëve të fundit nga ushtria mercenare e Wagner, Presidenti rus Valdimir Putin ka nënkuptuar se ky batalion masiv nuk do të ekzistojë më.
Putin nënkuptoi shkrirjen e kësaj njësie duke thënë se ushtarëve të Wagner u ngelen dy mundësi.
Ai u shpreh se ata mund të zgjedhin të largohen drejt Bjellorusisë ashtu si u premtua ose të firmosin një kontratë me Ministrinë e Mbrojtjes për t’u bërë pjesë e ushtrisë ruse zyrtare.
Sa i përket liderit të Wagner, Yevgeny Prigozhin, Putin nuk e përmendi emrin e tij në mënyrë të drejtpërdrejtë, por theksoi se organizatorët e grushtit të shtetit duhet të vendosen para drejtësisë./m.j
