Presidenti amerikan Joe Biden ka shpallur zyrtarisht ndalimin e importeve të naftës ruse si hakmarrje ndaj pushtimit të Ukrainës. Ai tha se kjo lëvizje do të thotë se “populli amerikan do t’i japë një goditje tjetër të fuqishme” udhëheqjes së Putinit.
“Ne nuk do të jemi pjesë e subvencionimit të luftës së Putinit”, shtoi Biden, shkruan BBC.
Pavarësisht frikës në rritje për rritjen e çmimeve të gazit, masa ka një mbështetje të gjerë politike dypartiake në SHBA. Çmimet e naftës janë rritur në pritje të njoftimit të Biden -me çmimin e naftës duke u rritur me më shumë se 5%, në 130 dollarë për fuçi.
Ndalimi do të vijë si një goditje tjetër për ekonominë ruse, e cila tashmë është goditur nga një sërë sanksionesh nga Perëndimi.
Rusia ka kërcënuar më parë se do të ndërpresë të gjitha furnizimet me gaz në Perëndim nëse zbatohet një ndalim për importet e saj të naftës.
/b.h
