Halle Berry dhe bashkëshorti i saj, aktori francez Olivier Martinez, janë paditur nga një punonjës i aeroportit të Los Angeles, i cili u kërkon e pakta 5 milionë dollarë dëmshpërblim.
Ronaldo Owens ishte në punë në aeroport kur Martinez, i cili vinte nga Parisi bashkë me gruan dhe dy fëmijët, mendohet ta ketë shtyrë me një ndjenjëse makine për të vegjël, duke e rrëzuar përtokë.
Sipas sitit TMZ, Owens ngriti padi të hënën për sulmin pa arsye, pasi ai nuk i kishte dalë para familjes së aktorëve dhe kishte të drejtë të ndodhej në atë vend, si punonjës i aeroportit.
Ngjarja ka ndodhur në janar, ndërkohë që Owens kishte bërë ankesë që në prill, por prokuroria e qytetit nuk pranoi të procedonte Martinezin.
Incidenti është kapur nga një video paparazzi, ku duket 49-vjeçari Martinez që ecën para Berry-t, e cila cila mban në krah djalin Maceo dhe për dore vajzën Nahla, 6 vjeç, nga një marrëdhënie e mëparshme.
Teksa iu afrohen dyerve, rrethohen nga fotografët.
Owens shihet tek qëndron në një anë, duke mbajtur në dorë diçka që duket si kamera dixhitale, para se francezi ta shtyjë me njenjësen e fëmijës që e mbante si barrikadë mes vetes dhe fotofrafëve.
