Prokurorët e SPAK i kanë bërë kërkesë Kuvendit për të zgjatjen e mandatit. Në kërkesën e tyre, prokurorët shprehen se domosdoshmëria për të luftuar krimin nuk mund të kufizohet në kohë. Sipas tyre, nëntë vite janë pak ndërsa shtojnë se të gjithë prokurorët e tjerë nuk e kanë mandatin të kufizuar.
Në kërkesën drejtuar ligjvënësve, prokurorët shprehen se nga vlerësimi i problematikave gjatë periudhës dyvjeçare vlerësojnë se është e domosdoshme që të bëhen disa ndryshime ligjore në funksion të rritjes së punës së SPAK.
Në argumentet e dhënë në mbështetje të kërkesës së tyre, prokurorët theksojnë se domosdoshmëria për të të luftuar krimin dhe korrupsionin nuk mund të kufizohet në kohë. Si shembull ata marrin gjyqtarët e Shkallës së Parë dhe Apelit në GJKKO, të cilët nuk kanë një kufizim të mandatit të tyre që i heq të drejtën e rizgjedhjes.
Sipas tyre, kufizimi i mandatit është e gabuar pasi eksperienca botërore ka treguar se korrupsioni dhe krimi i organizuar nuk mund të zhduken dhe “krijimi i strukturave të specializuara si SPAK është një garanci për të pasur sukses në luftën kundër tyre.
Po ashtu prokurorët sjellin si argument investimet që duhen bërë nga fillimi sa herë që mbaron mandati 9-vjeçar si dhe faktin që, sipas tyre, në vitin e fundit funksionarët fillojnë dhe mendojnë për të gjetur një zgjidhje të favorshme punësimi dhe kjo “shoqërohet me rënie të intensitetit dhe efektivitetit në punën që bëjnë.”
Prokurorët e SPAK shprehin edhe gatishmërinë e tyre që nëse do të jetë e nevojshme të japin kontributin e tyre në grupet e punës për të zgjidhur “këto problematika ligjore.”
g.kosovari
