Prishtinë, përplasen nga makina në stacionin e autobusit, 11 të plagosur
Një aksident i rëndë që ka ndodhur sonte pasdite në rrethrrotullimin kryesor në hyrje të Prishtinës, ku 11 persona kanë mbetur të plagosur rëndë, njëri prej të cilëve në rrezik për jetën. Dhjetëra qytetarë po prisnin në stacion të autobusit, një makinë e tipit “Audi” i ka goditur ata. Të plagosurit janë dërguar menjëherë në emergjencë, ndërsa në mesin e tyre ka edhe fëmijë.
Zëdhënësja e Policisë për rajonin e Prishtinës, Flora Ahati ka konfirmuar përmes telefonit për Top Channel se në aksident janë përfshirë dy makina në një stacion, ku ka pasur këmbësorë tek po prisnin autobus. “Nga personat e lënduar një është në rrezik, derisa viktimat janë dërguar për trajtim në Qendrën Klinike Universitare. Policia ka dalë në vendin e ngjarjes dhe po kryen hetimet e mëtejme”, ka thënë Ahmeti.
