I zemëruar nga thirrja e Parlamentit Evropian për frenimin e terrorit 11 javor të vrasjes së shpërndarësve dhe trafikantëve të drogës në Filipine, ish-kryebashkiaku i qytetit jugor, Davao sulmoi BE-në.
“Kur isha kryetar bashkie, ishim në rregull, por tani gjërat kanë ndryshuar sepse jam president dhe përfaqësoj kombin. Unë jam presidenti i Republikës. Përse duhet të fyhem? Përse duhet të anatemohem. Mënyra juaj e të menduarit është sikur unë të jem vartësi juaj. Për këtë arsye, po ju çoj në djall të gjithë”, u shpreh Rodrigo Duterte, president i Filipineve.
Pas sharjeve të rënda të drejtuara OKB-së, Shteteve të Bashkuara dhe Presidentit Barack Obama, Bashkimi Evropian ishte shënjestra më e fundit e Dutertes që e mori pushtetin në muajin maj me premtimin e goditjes së pamëshirshme të tregtisë së drogës.
Që prej vendosjes se tij ne krye te shtetit ne 30 qershor, në Filipine janë ekzekutuar të paktën 3.800 vetë. Lideri filipinas i ftoi megjithatë Kombet e Bashkuara dhe bllokun evropian ta hetojnë fushatën e tij antidrogë, të cilën siç u shpreh disa ditë më parë, mund ta zgjerojë akoma më shumë vitin që vjen, sepse e kishte nënvlerësuar thellësinë e vërtetë të problemit.
ma.me
