Gjatë fundjavës policia e shtetit ka rritur kontrollet nëpër akset rrugore dhe si rezultat i tyre ka pezulluar 98 leje drejtimi dhe ka vënë 149 gjoba në lidhje me mosvendosjen e rripit të sigurimit.
Arsyet e pezullimit të 98 lejeve të drejtimit kanë qenë shpejtësia tej normave, drejtimi në gjëndje të dehur apo hyrja me semafor të kuq.
Sipas shifrave të bërë publike nga policia e shtetit, për vepra të ndryshme penale janë arrestuar 83 persona, si dhe janë sekuestruar armë zjarri, municione luftarake, lëndë narkotike dhe mallra kontrabandë. Këtë fundjavë pilotimi i kamerave është bërë në Fier dhe Vlorë.
