Monumenti “Lahuta e Malcis”, kushtuar veprës së At Gjergj Fishtës, është vandalizuar nga një grup protestuesish të dhunshëm e të pafre në qytetin e Lezhës.
Ngjarja ka ndodhur në bulevardin “Gjergj Fishta”, në qendër të qytetit, ku ndodhet monumenti në formën e një libri gjigant të hapur, me vargje dhe elemente simbolike të gdhendura.
“‘Lahuta e Malcis’ në Lezhë, në tokën e Gjergj Fishtës! Fali o Zot, se s’dinë ç’bëjnë!”, shkroi Pjerin Ndreu duke komentuar pamjet me keqardhje.
Monumenti ndodhet në bulevardin ‘Gjergj Fishta’ dhe paraqet një libër gjigant të hapur, me vargje të gdhendura dhe elemente simbolike që i kushtohen veprës së poetit. Ai është një nga simbolet kulturore të qytetit të Lezhës.
