Dy vëllezër binjakë pjesë e një seriali të njohur televiziv, janë gjetur të pajetë, në një pyll. Paraprakisht dyshohet për vetëvrasje të dyfishtë, në gjendje depresive.
Bëhet fjalë për 32-vjeçarët Billy dhe Joe Smith, të cilët u gjetën në një zonë të largët pranë një fermë.
Pak kohë më parë binjakët kishin marrë pjesë në serialin “My Big Fat Gypsy Wedding”.
Trupat e tyre të pajetë u gjetën mbrëmjen e kësaj të shtune në zonën e Sevenoaks, në Kent të Anglisë.
Ngjarja e rëndë vjen vetëm pak ditë pas ditëlindjes së tyre, pasi më 16 dhjetor kishin mbushur 32 vjeç.
