Ilir Meta ka reaguar në lidhje me përplasjen mes ambasadorit Lu dhe kryeprokurorit Llalla, duke thënë se kuvendi ka kërkuar më shumë transparencë për kandidatët që solli Prokuroria për Këshillin e Emërimeve në Drejtësi, kandidatura këto që sipas ambasadorit të SHBA-ve ishin kryer duke shkelur kushtetutën.
“Kam dalë këtu për t’u mos përfshirë në axhenda aspak transparente… këtë do ta bëj me nerva të çelikta dhe pa u ndalur. Jemi angazhuar për ta çuar deri në fund reformën në drejtësi, e cila ka vetëm një pronar, që është populli shqiptar.”-tha Meta.
Në cilësinë e kreut të kuvendit, Meta ka thënë se i është kërkuar informacion shtesë prokurorisë për 3 kandidaturat për KED, që sipas ligjit duhet të kenë shkollën e magjistraturës. Në përgjigjen e prokurorisë së përgjithshme, Llalla ka informuar kuvendin se 3 kandidatët në fjalë janë të vetmit me magjistraturë, që plotësojnë kushtet e tjera. Kuvendi ka kërkuar informacion shtesë nëse ka patur lëvizje për të shmangur qëllimisht kandidatë të mundshëm për KED, dhe në përgjigje prokuroria ka thënë se nuk ka patur lëvizje.
Kësisoj, Meta është shprehur se sipas kuadrit ligjor, Prokuroria e Përgjithshme nuk ka shkelur asnjë ligj, ndryshe nga çfarë ka akuzuar ambasadori Lu.
Fjala e kryetarit të kuvendit me shkurtime:
“Nisur nga deklaratat e bëra dje nga ambasadori i SHBA-ve Lu, për prokurorin e përgjithshëm, lidhur me listën e kandidatëve të përcjellë për tu përcjellë në shortin e KED…
Ka kërkuar sqarime shtesë për vlerësimin e kryer nga prokuroria e përgjithshme për këta kandidatë të sjellë. Në përgjigje të kësaj shkrese, prokurori i përgjithshëm ka kthyer përgjigje zyrtare më datë 3.2. 2017.
Sipas deklarimeve të djeshme të mabasadorit, prokuroria ka dhunuar fryëmn e kushtetutës duke përcjellë 3 kandidatë për 3 pozicione në KED. Gjithashtu zoti Lu është shprehur se prokruroria e përgjithshme i zgjodhi vetë 3 anëtarët në pozicionet në fjalë, duke i përzgjedhur pa transparencë.
Sqarojmë, se ksuhtetuta përcakton se KED përbëhet nga 9 anëtarë, nga të cilët, 1 anëtar nga prokurorët e prokurorisë së përgjithshme dhe 2 tjerë nga prokurorët pranë prokurorive të gjykatës së apelit.
Në pikën dy përcaktohet se kandidatët që nuk plotësojnë kushtet përjashtohen nga shorti. Sipas shkresave, të datës 19.1.2017, si dhe të datës 3.2 2017 të sjella nga prokuroria, rezulton se kandidatët plotësojnë kriteret dhe kushtet ligjore në mënyrë të plotë, ashtu siç ka vendosur ligjvënësi.
Sipas shkresave të mësipërme, plotëson kushtet përfshirë dhe shkollës e magjistraturës vetëm një prokuror i Prokurorisë së Përgjithshme dhe vetëm dy prokurorë të gjykatave të apelit.
Ne kërkuam informacion shtesë, nëse janë kryer lëvizje të qëllimshme për të shmangur qëllimisht persona që mund të ishin kandidatë në shortin për KED.
Nuk ka patur asnjë prokuror tjetër që të ketë përfunduar shkollën e magjistraturës në prokurorinë e përgjithshme apo në prokuroritë pranë gjykatave të apelit. Sipas shkresës së sjellë, nuk ka patur lëvizje.
Prokuroria e përgjithsme, rezulton se sipas tyre, ka zbatuar në mënyrë korrekte kushtetutën dhe ligjin në fjalë për KED.
Në përfundim, asnjë prokuror nuk është ankuar as në prokurorinë e përgjithshme, asn në kuvendin e Shqipërisë si dhe as publikisht lidhur me listën e kandidatëve të përcjellë nga ky institucion.
Nuk është detyra e kuvendit për të gjykuar mbi respektimin e kritereve për propozimet që janë bërë për KED.”-tha Meta.
