Vrasja e ndodhur pasditen e sotme në Tiranë tronditi qytetarët dhe opinionin publik, duke lënë dy viktima dhe një të plagosur. Por duket se gjithçka ka ndodhur për hakmarrje mes bandave të trafikut të drogës.
Ngjarja ndodhi në orën 18:30 në zonën përballë Maternitetit të Vjetër në kryeqytet. Nga konflikti i armatosur mbetën të vdekur Mentor Lufi (Doçi), 39 vjeç; Gerti Goxhaj 33 vjeç; dhe Besnik Sulku, 34 vjeç, teksa mbeti i plagosur shtetasi italian Salvatore Letizia i cili është arrestuar nga policia.
Mes dy grupeve u hap një shkëmbim zjarri. Dy prej viktimave kanë gjetur vdekjen e menjëhershme ndërsa njëri ka humbur jetën në spital.
Nga hetimet e para të policisë të gjithë këta persona kanë qenë të skeduar si persona me të shkuar kriminale, të implikuar në trafiqe ndërkombëtare të drogës. Pikërisht në këto pista p[o hetohet edhe për motivet ku dyshohet se hakmarrja mes tyre të ketë qenë motiv i ngjarjes. Mësohet se masakra ka ndodhur si hakmarrje për vrasjen e Durim Sulkut, vëllai i Besnik Sulkut, vrasje kjo e ndodhur në prill në Holandë.
Nga ana e saj policia ka mundur të zbardhë ngjarjen tragjike në mes të kryeqytetit.
NGJARJA SIPAS POLICISË
Më datë 27.05.2015, në orën 19:20, Salla Operative e Drejtorisë së Policisë së Tiranës ka marrë njoftim se në vendin e quajtur ,Bulevardi Zogu I¬rë ,përballë Fakultetit të Shkencave të Natyrës kishte ndodhur një shkëmbim zjarri mes dy grupeve.
Nga hetimet e para hetimore ka rezultuar se dy grupe me preçedent të mëparshëm penal kanë pasur shkëmbim zjarri mes tyre. Me konkretisht :
Shtetasi Mentor Lufi (Doçi) së bashku me shtetasin Gerti Goxhaj kanë qënë ulur në një kafe pranë Fakultetit të Shkencave të Natyres.
Jashtë kafes ishin duke pritur dy nipërit e Mentor Lufit. Pasi kane dalë nga kafja, shtetasi Mentor Lufi ka hipur në mjetin tip BMË me targa AA 001IK si pasagjer dhe drejtues mjeti ka qenë shtetasi Gerti Goxhaj.
Ndërkohë pas tyre vinte mjeti tip Touareg me targa AA 097 KE në të cilën udhëtonin dy nipat e shtetasit M.Lufi ,konkretisht shtetasi Markeljan Doçi dhe shtetasi Klevis Doçi. Në momentin kur mjeti tip BMW ka filluar lëvizjen ,në këmbë kanë qenë dy shtetas të cilet kanë hapur zjarr duke qëlluar në drejtim të dy shtetasve që udhetonin në mjetin tip tip BMË me targa AA 001IK .
Në këtë moment menjehere janë kundërpërgjigjur me armëzjarri dy nipat e M.Lufit (Doçi) duke goditur me mjet një nga autoret e dyshuar shtetas Italian i identifikuar me emrin Salvatore LETTICIA ,I cili ka mundur të largohet nga vendngjarja duke u fshehur në një hotel në afërsi dhe duke u përpjekur të fshihte provat e krimit .
Ndërkohë shtetasi Markeljan Doçi ka qëlluar me armë zjarri shtetasin Besnik Sulku i cili hapi zjarr i pari ndaj xhaxhait të tyre dhe mikut të tij .
Kjo ngjarje ka ndodhur në një fragment kohe shumë të shkurtër dhe punonjesit e policisë në kohe record kanë mberritur në vendngjarje për tre minuta. Policia ka bërë rrethimin e zonës dhe falë veprimeve të shpejta ka bërë të mundur neutralizimin e të dy autoreve të dyshuar, ku shtetasi Markeljan Doçi mbante në dorë armën me të cilën kishte kryer krimin e rëndë .
Disa metra me tej ,në një hotel në afersi të vendgjarjes u ndalua autori i dytë i dyshuar shtetasi Italian ,i cili kishte demtimë në trup dhe i gjakosur në fytyrë. Në vendin e ngjarjes u gjeten dhe u sekuestruan dy automjete .
Një automjet tip BMW me targa AA 001IK , mjeti tip Touareg me targa AA 097 KE si dhe dy arme zjarri tip pistolet. Vikimat dhe autorët e kësaj përplasje me armë ,kanë qenë të evidentuar më parë nga Policia si persona me preçedentë kriminalë në fushën e Trafikut ndërkombëtar të Lëndëve narkotike , armbajties pa leje etj.
Në Drejtorinë e Policisë Tiranë aktualisht janë të shoqëruar 3 shtetas , dy nipërit e Mentor Lufit dhe shtetasi Italian, ku vijonë veprimet proceduriale dhe hetimore nga Specisliatët e Sektorit Kundër Krtmeve të Rënda në Drejtorinë e Policisë së Qarkut Tiranë nën kryesimin e Prokurorit.
Përplasje me armë te “Shkencat”, dy të vrarë, 1 i plagosur
Një përplasje me armë ka ndodhur pasditen e sotmë pranë Fakultetit të Shkencave të Natyrës në Tiranë.
Mediat vendase raportojnë se nga konfrontimi me armë kanë humbur jetën dy persona, ndërkohë që pritet një nformacion më i zgjeruar nga ana e Policisë. Njëra nga viktimat ka ndërruar jetë në spital.
Sipas news 24, është identifikuar njëri nga viktimat dhe emri i tij është Mentor Lufi.
