Një aksident me pasojë vdekjen e një këmbësori ka ndodhur mbrëmjen e djeshme në aksin rrugor “Levan-Vlorë”.
Për pasojë është arrestuar drejtuesi i mjetit, shtetasi me iniciale B.S., 40 vjeç, banues në Vlorë.
“Në vijim të informacionit të dhënë mbrëmjen e djeshme, mbi aksidentin në aksin rrugor “Levan-Vlorë”, informojmë se specialistët e Sektorit të Qarkullimit Rrugor arrestuan në flagrancë shtetasin B. S., 40 vjeç, banues në Vlorë, pasi me automjetin që drejtonte, ka përplasur me pasojë vdekjen, këmbësorin, shtetasin E. G., 49 vjeç, banues në Vlorë.”, thuhet në njoftimin e policisë.
