Një përplasje me deputetin demokrat Gent Strazimiri, ka çuar në dorëheqjen e kryetarit të Partisë Demokratike të degës së Krujës Dragush Vogli. Dorëheqja e tij është konfirmuar për Shqiptarja.com dhe mësohet se vjen pas debateve për analizën e zgjedhjeve vendore të 2015-ës, e ku demokratët e humbën bashkinë e Krujës.
Vogli është shprehur për mediat se ka pasur mosmarrëveshje me deputetin demokrat Strazimiri sa i përket nxjerrjes së përgjegjësve për humbjen në zgjedhje. Ish-kreu demokrat në Krujë thotë se deputeti i zonës Gent Strazimiri është shkaktari i humbjes së PD-së në Bashkinë e Krujës, e cila aktualisht drejtohet nga Artur Bushi, i kandiduar nga Partia Socialiste. Strazimiri ka drejtuar fushatën elektorale në Krujë, pasi është deputet i zonës.
Debati mes kryetarëve të degëve dhe deputetëve ka nisur që në momentin e parë që demorkatët nisën analizën e zgjedhejve të 21 Qershorit. Edhe në mbledhjen e fundit të grupit parlamentar me dyer të mbyllura deputetët ngritën shqetësimin që kryetarët e degëve nuk po i përfshijnë në analizë.
Shqiptarja.com
