“Uji ka filluar të tërhiqet nga zonat e përmbytura të Nënshkodrës dhe kryesisht në zonën e Anës së Malit, këtu në fushën e Oblikës.”
Të mbjellja nuk ka më, por banoret po gjuajnë peshk. Njëri nga ata ishte me shumë fat. Me krap në duar kalon mes për mes fushës së përmbytur.
Dëmet në zonë janë të mëdha. Prodhimet e stinës nuk ekzistojnë më. Uji është fare pranë shtëpive dhe pse sipërfaqja në total është zvogëluar.
Nga ana tjetër transporti i fëmijëve dhe i të rriturve në Obot në Anë të Malit bëhet nga mjetet e ushtrisë. Rruga është akoma e pakalueshme për makinat e vogla.
Furnizimi me ujë të pijshëm vazhdon të bëhet më botë. Kurse Ushtria ka shpërndarë ushqime për njerëz dhe bagëti. Në total në bashkinë e Shkodrës janë mbi 2 710 hektarë tokë e përmbytur.
a.ç
