Më datat 25 – 26 Nëntor , në Hotel Tirana Internacional , zhvilloi punimet Asambleja e SEPCA-s, (Shoqata e Shefave të Policisë të Europës Juglindore).
Punimet e Asamblesë janë drejtuar nga Drejtori i Policisë së Shtetit Shqiptar Drejtues Madhor Haki ÇAKO.
Pasi , Policia e Shtetit kishte Presidencën e radhës së SEPCA-s, që prej muajit Nëntor të vitit 2014.
Të pranishëm në këtë takim ishin drejtues të policive të vendeve anëtare të SEPCA-s, si dhe koordinatorët nga çdo vend anëtar.
Po ashtu morën pjesë përfaqësues të Interpol, Europol, Programit ICITAP, Misionit PAMECA IV, Prezencës së OSBE-së, dhe oficerët ndërlidhës policor në vendin tonë.
Në takim mori pjesë dhe një delegacion nga Policia Austriake, i kryesuar nga Z. Gerhard Lang, Drejtues i Departamentit 1, BK Austria.
Gjithashtu Drejtori i Përgjithshëm i SELEC dhe Drejtori i Programeve Policore pranë DCAF Gjenevë.
Gjatë dy ditëve të punimeve të kësaj Asambleje , fokusi i diskutimeve u përqëndrua në:
- Masat e ndërmarra në kuadrin e luftës kundër radikalizmit dhe terrorizmit ndërkombëtar, me qëllim koordinimin e përpjekjeve të përbashkëta kundër këtij fenomeni.
- Rritja dhe forcimi i bashkëpunimit me EUROPOL-in.
- Statusi i Rumanisë në SEPCA dhe anëtarësimi i saj në kuadrin e Presidencës së vendit tonë të SEPCA-s e cila u miratua .
- Statusi dhe përfshirja në të ardhmen e Kosovës dhe Moldavisë në SEPCA me statusin e Vëzhguesit, ku pas dakortësisë së të gjitha palëve , u miratua pjesëmarrja e tyre .
- Përfshirja e SEPCA-s në procesin e planifikimit në kuadrin e EMPACT.
- Rritja e bashkëpunimit me organizatat e tjera ndërkombëtare që trajtojnë çështjet e sigurisë publike.
Punimet e Asamblesë për ditën e parë kanë përfunduar në orën 18.00, ku Rumania u bë antare e SEPCA-S
Gjatë paradites së ditës së dytë të punimeve, Asambleja e Përgjithshme e SEPCA-s., miratoni unanimisht që Kosova dhe Moldavia të pranohen me statusin e vëzhguesit në SEPCA-s.
Më pas Presidenti i SEPCA-s Haki ÇAKO paraqiti konkluzionet e diskutimeve gjatë dy ditëve ku dhe u miratuan Objektivat Strategjik të SEPCA-s për vitin 2016, dhe Implementimi i Sistemit për Menaxhimin e Informacionit.
Në përfundim të ditës së dytë të Asamblesë së Përgjithshme të SEPCA-s, në përmbushje të dokumenteve themeltare të Shoqatës, Memorandumit të Mirëkuptimit dhe Udhëzimet e SEPCA-s, u zhvillua edhe ceremonia e kalimit të presidencës së radhës së SEPCA-S, Drejtorit të Përgjithshëm të Policisë Bullgare, Z. Hristo Terziyski.
Të gjithë të pranishmit kanë falënderuar Drejtorin e Policisë së Shtetit Shqiptar Haki ÇAKO, për mikpritjen dhe organizimin e Asamblesë, për rolin e tij shumë aktiv gjatë vitit të Presidencës , për argumentat e sakta dhe të drejta për zgjerimin e kësaj shoqate , kjo nisur edhe nga domosdoshmëria e bashkëpunimit policor rajonal, duke lënë mënjanë qëndrimet politike , pasi vet krimi s’ka ngjyrë politike dhe për këtë lind si domosdoshmëri bashkëpunimi policor rajonal e ndër/rajonal.
Në frymën e argumentave të Z.ÇAKO, Asambleja ka miratuar unanimisht pranimin e Kosovës me statusin e vëzhguesit në SEPCA-s.
Si dhe të gjithë të pranishmit kanë shprehur dëshirën për të vizituar disa pika turistike të vendit tonë ku gjatë orëve të mbasdites do zhvillohen vizita në Krujë dhe në Durrës.
