Halim Kosova, kandidati per deputet i PD-së në njesinë 5 në Tiranë ka folur për mediat mëngjesion e sotëm, ndërkohë që numërimi i votave vazhdonte. Ne qendren e votimit ku i pranishëm ishte edhe kandidati socialist, Pandeli Majko dhe vetë ambasadori amerikan Donald Lu, Kosova tha se pret rezultatin e KQZ, i cili do te bazohet ne nje proces normal te numerimit te votave.
“Unë nuk analizoj numra, shikoj që procesi të vazhdojë normalisht dhe normal duket kur të deklarohet nga KQZ-ja. Normaliteti i procesit për Shqipërinë është gjëja më e rëndësishme. Pas kësaj, ajo forcë që fiton duhet të përveshë mëngët që të legjitiomojë fitoren. Se nuk është me rëndësi vetëm timoni, por duhet të kihet parasysh edhe rripi i sigurisë”, tha ai.
I pyetur për praninë e ambasadorit amerikan, Kosova vlerësoi se “prania e tij nuk është zot për ta përkthyer: është interesi i SHBA-së për Shqipërinë që ka qënë me vite.
“Unë kam pasur përvojë si drejtues i Shëndetësisë dhe ndihmën e SHBA-ve e kam pas shumë afër. Është një shenjë shumë e mirë që SHBA-ja nuk e heq vëmendjen nga Shqipëria dhe kjo na bën krenar.”, tha Kosova.
ma.me
