Në Tiranë u zhvillua eventi “Të zbulosh Kinën nëpër libra”. Ambasadorja e Kinës në Shqipëri, Pang Chunxue, e pranishme në këtë event, deklaroi se në vitin 2015 u nënshkrua marrëveshja për përkthimin e librave shqip dhe kinezisht, falës së cilës janë botuar 79 libra.
Ajo shprehu dëshirën për bashkëpunim me botuesit shqiptarë për t’i shërbyer njohjes sa më të mirë mes dy vendeve dhe theksoi se botimet shtojnë njohjen e publikut shqiptar për Kinën.
foto nga CMG
Sinologu Iljaz Spahiu vlerësoi shkëmbimet dypalëshe në fushën e botimeve.
Në veprimtari u promovuan librat “Rrëfime për Kinën”, nga Instituti i Studimeve të Europës Juglindore, “Legjenda kineze”, përkthyer nga Enida Mara, dhe “Një ditë sa një vjeshtë”, me autor Liu Zhenyun, përkthyer nga Iljaz Spahiu.
foto nga CMG
Duke marrë fjalën në veprimtari, presidenti i shtëpisë botuese “Fan Noli”, Rexhep Hida, vlerësoi bashkëpunimin me Ambasadën e Kinës dhe partnerët kinezë në fushën e botimeve.
Ndërsa, prof. Enver Bytyçi, drejtor i Institutit të Studimeve të Europës Juglindore, u ndal te libri “Rrëfime për Kinën”, si një kontribut i rëndësishëm në marrëdhëniet midis Shqipërisë dhe Kinës.
foto nga CMG
foto nga CMG
foto nga CMG
