Futbolli anglez po përballet me një pikë kthese historike pas shpalljes fajtor të Manchester City-t për 114 nga 115 akuzat e ngritura kundër klubit, lidhur me shkeljet e përsëritura të rregulloreve të Fair Play-it Financiar dhe shpenzimet jashtë standardeve ligjore gjatë viteve të fundit.
Ndërsa drejtuesit e klubit e kanë apeluar vendimin duke hedhur poshtë pretendimet, skuadrat rivale në Premier League kanë nisur organizimin e një offensive të përbashkët ligjore.
Sipas raportimeve nga mediat britanike, disa klube po përgatisin padi zyrtare për të kërkuar zhdëmtim financiar, me shifrat e dëmshpërblimit që mund të arrijnë deri në 930 milionë euro.
Klubet kërkuese pretendojnë se Manchester City ka funksionuar prej vitesh përtej mundësive të lejuara financiare, duke cenuar garën e drejtë sportive dhe duke u shkaktuar humbje të mëdha ekonomike skuadrave të tjera.
Nëse paditë do të miratohen nga organet përkatëse të drejtësisë sportive e civile, kjo kërkesë për kompensim do të përbënte një nga sanksionet financiare më të rënda të regjistruara ndonjëherë në historinë e futbollit botëror.
