Partia Demokratike ka forcuar çdo bindje dhe po angazhohet në aksionin e saj politik për të bërë të mundur që në zgjedhjet parlamentare të 2017 të mos shkohet me këtë Qeveri. Nënkryetari, Edi Paloka, tha se beteja elektorale e Dibrës evidentoi çdo fakt se mazhoranca qeverisëse nuk garanton votën e lirë, ndaj ai tha se do përdoret çdo mjet, përfshirë protestat, për të larguar Qeverinë e kryeministrit Edi Rama. Vendi është në situatë kritike, tha Nënkryetari demokrat, ndaj ftoi qytetarët të reagojnë.
Zgjedhjet e pjesshme në Dibër, e kanë “çimentuar” vendimin e patjetërsueshëm të Partisë Demokratike, për të mos shkuar në zgjedhjet politike të 2017, me Qeverinë e kryeministrit Edi Rama.
Nënkryetari, Edi Paloka, në një intervistë për Ora News, tha se mazhoranca ka eliminuar çdo të drejtë, përfshirë zgjedhjet e lira dhe të ndershme, duke e lënë vendin në duart e bandave të narkotrafikut.
Fakti evident, sipas tij është Dibra.
Paloka: Është e vetmja zgjidhje, largimi i Edi Ramës nga pushteti dhe vajtja në zgjedhje me një Qeveri që të garantojë zgjedhje të lira dhe të ndershme. Një Qeveri që të garantojë zgjedhje të lira dhe të ndershme, emri pak rëndësi ka.
Për të garantuar një Qeveri teknike apo stabilitetit, emërtimi i së cilës për Partinë Demokratike nuk ka rëndësi, Paloka tha se do përdoren gjithë mjetet, përfshirë protestat popullore.
Paloka: Qytetarët duhet të na ndjekin, është për të mirën e tyre, për të mirën e fëmijëve të tyre dhe për të mirën e çdo shqiptari që lind edhe sot në këtë vend. Sepse çdo shqiptar që lind sot në këtë vend ka përpara një prespektivë të zymtë nëse vazhdohet me këto ritme.
Nëse humbja me rezultat të thellë në Dibër, është shkak i gjendjes jo të mirë ku ndodhet sot opozita, Paloka ka këtë pergjigje:
Paloka: Nuk është Partia Demokratike në ditët e saj më vështira, është Shqipëria në ditët e saj më të vështira.Një situatë e tillë e çon vendin drejt një kaosi dhe një situate që as nuk mund të imagjinohet. Jo vetëm se kemi një Kryeministër, arroganca e të cilit është për librin Guinness, por sepse kjo arrogancë ushqehet përditë nga fuqia që atij i jep krimi, nga fuqia që i japin paratë e pista dhe nga çdo gjë tjetër me të cilën kjo Qeveri ushqehet përditë./oranews
Imagjinoje te behet minister ky rrote horrit, nje njeri fare ordiner, pa nder e moral. Sa krahu kane per ta ngrene edhe vitin tjeter dhe le te shohin enderra me qeveri teknike sa te duan.