Partia Demokratike denoncon përpjekje për të vjedhur votën në Vorë. Astrit Patozi, deputet i PD-së, në një deklaratë për mediat tha se se ka zvarritje të qëllimshme të numërimit të votave të partive nga maxhoranca.
Patozi i kërkoi maxhorancës të heqë dorë “nga përpjekjet e dhunshme dhe të paligjshme për të zvarritur procesin e numërimit dhe të ndalë protestat”.
“Ndonëse numërimi i votave për kandidatin përfundoi të hënën në drekë ka zvarritje të qëllimshme që shoqërohet me shkelje të Kodit Zgjedhor nga përfaqësuesit e shumicës në KZAZ. Ndërkohë situata është e nderë dhe përfaqësuesit e PD ndodhen nën presion, në Vorë zhvillohen çdo ditë protesta nga militantë të maxhorancës që pretendojnë manipulim nga opozita. Ata udhëhiqen nga drejtue të lartë të LSI. Kjo është hera e parë në Shqipërië që pushteti proteston në rrugë duke akuzuar opozitën që ka vjedhur votat. Përfaqësues të saj janë shprehur për 500 transferime, por e vërteta është se janë vetëm 89 raste që nga janari e këtëj. Me kërkesë ka nisur hetim që nuk përbën shqetësim për ne. Dje prokurori i çështjes Genci Qana u pa në shoqërinë e zv.ministres së Arsimit Nora Malaj që është e ngarkuara e LSI për zgjedhjet në Vorë. Nëse sot po protestohet nga qeveria se PD u paska vjedhur votat nuk ëshë çudi që nesër të kemi protesta që Shqipëria të mos ketë fare opozitë”, tha Patozi.
