Një tjetër blic kontrolli në banesën e Klement Balilit dhe në zonat ku dyshohet se ai mund të fshihet, në Sarandë e Delvinë. Kontrolle janë bërë edhe në disa biznese.
Mësohet se kontrollet janë bërë në orët e mëngjesit të sotëm dhe raportohet jo zyrtarisht se policia ka shoqëruar disa pjesëtarë të familjes së Klement Balilit i shpallur në kërkim ndërkombëtar pasi akuzohet nga drejtësia greke si drejtuesi i një organizate të fuqishme të narkotrafik e cila vepronte në disa vende të Europës.
Sipas “News24”, familja e Balilit ka konfirmuar aksionin e policisë dhe kontrollin e zhvilluar mëngjesin e sotëm.
Ata tregojnë se janë marrë në pyetje në komisariat, por më pas janë lënë të lirë për të shkuar në banesat e tyre.
Familjarët janë pyetur për vendndodhjen e Balilit, nëse kanë pasur ndonjë kontakt me të.
Forcat operacionale kanë ushtuar kontrolle në biznese dhe banesa, ku sipas informacioneve të grumbulluara nga hetimet, ai ka qenë së fundi në jug të vendin, ndaj edhe aty u intensifikuan kërkimet./a.m.
