Partitë e vogla kanë zhvilluar ditën e sotme një takim, në fokus të së cilit ka qenë reforma zgjedhore. Kryetari i Partisë Aleanca Demokratike, Eduard Abazi, ka deklaruar se partitë e mëdha shfaqin indiferencë ndaj kërkesave të partive të vogla.
Abazi kërkoi që administrimi i zgjedhjeve të mos bëhet nga partitë politike, por nga Gjykata e Lartë. Ndër të tjera ai kërkoi futjen e votimit dhe numërimit elektronik.
Ndërsa, kreu i LZHK-së, Dashamir Shehi, tha se javën tjetër deputetët e partive të vogla do të bëjnë më shumë presion që kërkesat e tyre të merren parasysh.
“Nuk kemi arritur asgjë për kërkesat tona. Meta më tha që javës tjetër do të kemi një përgjigje. Javën tjetër ne si deputetë do të bëjmë sërish presion”, tha Shehi.
ma.me
