Zv/kryeministri Niko Peleshi, i pranishëm në Konventën Kombëtare të Arsimit Profesional, tha se cilësia dhe standardi jane kryefjala e arsimit profesional.
“Dua të bashkoj mirënjohjen ministrisë së Mirëqënies për hapat e saj në nxitjen e arsimit profesional dhe rritjen e cilësisë së tij. Ne si qeveri e mbeshtesim dhe pas 25 vitesh e kemi kuptuar që ky është çelësi i zhvillimit të vendit. Sot tema e ditës është punësimi, ndaj është e rëndësishme të investojme në strukturat e arsimit profesional për të ndërhyrë në tregun e punës”, tha Peleshi.
Zv/kryeministri gjatë fjalës së tij foli edhe për intergrimin e Shqipërisë në BE, duke theksuar se tregu i punës në BE kërkon konkurrueshmëri dhe profesionistë. Sipas tij, arsimi profesional është zgjedhja e duhur jo vetëm për tregun shqiptar, por edhe të Bashkimit Europian. Ai i bëri thirrje të rinjve të mendojnë për të ardhmen e tyre duke zgjedhur një zanat. (java / r.a)
