Analisti Preç Zogaj, i ftuar në studion e emisionit “Trialog” në RTSH1, të moderuar nga Alba Alishani, komentoi zhvillimet e fundit lidhur me nismën për Bordin e Paqes dhe qëndrimet e vendeve evropiane.
Zogaj u shpreh se PR-i i bërë nga administrata e Donald Trump ka tentuar ta rilidhë nismën me OKB-n, duke theksuar se do të ketë llogaridhënie ndaj këtij institucioni ndërkombëtar.
Ai theksoi se, ndryshe nga vende të mëdha si Gjermania, Shqipëria nuk e ka luksin të mbajë qëndrime të forta kundërshtuese në nisma të tilla ndërkombëtare.
“PR që ka bërë administrata Trump ka tentuar që ta rilidh nismën për Bordin e Paqes me OKB duke thënë që do jap llogari në OKB. Megjithatë këto dyshime janë ngritur dhe vendet e Evropës për mendimin tim kanë pasur të drejtë, por them si një njeri që merret me politikë dhe Shqipëria nuk ka luksin ta bëjë këtë, sepse Shqipëria nuk përcakton, nëse Bordi shton, Shqipëria nuk asnjë përgjegjësi, nëse Bordi do jetë i suksesshëm do të shikojmë se dhe vendet e tjera evropiane do ti bashkohen”, u shpreh Zogaj.
