Një analizë e analistit rus Viktor Veritov paraqet në skenar të errët për Shqipërinë. Në një shkrim me titullin, “Ukraina dhe Siria janë hedhur në erë. Shqipëria është në pritje”, botuar në revistën online ruse politrussia com, thuhet se Shqipëria është vendi i radhës ku interesat e Turqisë dhe SHBA do të krijojnë konflikt. Analiza bazohet në konfliktin e ri të marrëdhënieve mes Rusisë dhe Turqisë dhe sipas artikullit, ndikimi i Ankarasë është i madh në rajonin e Ballkanit dhe posaçërisht në Shqipëri.
“Shumë vende të cilat vetëm dje u shfaqën sikur të jenë paqësore dhe të qeta, për habinë e të gjithëve, kanë filluar të tregojnë agresion. Ata nuk duan të jenë në hijen e politikës botërore dhe aspirojnë për t’u bërë “drejtues”, domethënë, ata që ndezin bomba, në çdo kusht. Për shembull, pak para incidentit me avionin rus Su24, Turqia ishte si një mik dhe partner gjeopolitik i Rusisë, por marrëdhëniet e tyre u prishën. Sot, ndikimi i Turqisë në rajon është mjaft i fortë, veçanërisht në vendet myslimane si Bosnja dhe Shqipëria. Vëmendje e veçantë mund të ketë në Shqipëri, si një vend i vogël me ambicie të mëdha dhe aspirata luftarake”, thuhet në shkrim.
Si shkak për krijimin e konfliktit, sipas analizës së Veritov do të jetë krijimi i “Shqipërisë së Madhe”, një ambicie që sipas analizës ushqehet tek shqiptarët nga Turqia. “Ekziston një mbështetje e jashtme nga fuqitë e caktuara të cilët janë të interesuara në një shpërthim. Në Ukrainë, SHBAja përmbush këtë rol në ndjenjat nacionaliste të mbështetura në mënyrë aktive dhe të kultivuar. Në rastin e Shqipërisë, ky pushtet është Turqia. Kjo është jashtëzakonisht e dobishme për të destabilizuar situatën në rajon dhe për të shtyrë vendet e Ballkanit me njëritjetrin, sipas parimit famëkeq të “përça dhe sundo”.
Prandaj, Turqia mbështet fuqishëm idenë e “Shqipërisë së Madhe”. Thelbi i kësaj është se të gjitha territoret e dominuar nga popullsia shqiptare, duhet të jetë një shtet i vetëm. Historia e Kosovës është pjesë e këtij projekti. Pasuesit e kësaj teorie e konsiderojnë këtë territor në kufirin jugor të Serbisë dhe disa pjesë të Maqedonisë dhe Greqisë”, thuhet në shkrim. Shkrimi ndalet dhe në situatën në Shqipëri ku thuhet se mafia Shqiptare ka ndikim të madh dhe njihet si një prej më të fortave në rajon. “Shqipëria është një shtet jashtëzakonisht i “kriminalizuar”. Mafia lokale, në bazë të lidhjeve të ngushta familjare, është e njohur tani si një nga më të fortat në Europë. Burimi kryesor i të ardhurave është droga. ..Mafia shqiptare ka marrë pjesë aktive në konfliktin e Kosovës dhe ka krijuar lidhje me shumë organizata terroriste, duke përfshirë Shtetit Islamik (i ndaluar në Rusi). Shqipëria është një vend me shumicë myslimane”, thuhet në shkrim.
Analiza ndalet dhe në rolin e SHBA në rajon. Sipas analistit rus kriza në Ballkan “është në dobi të SHBAsë. “Qëllimi i parë është rënia e Serbisë. Kështu, koha për një bombë po kalon në qendër të Evropës, dhe aktivizimi i tij është vetëm një çështje kohe. Megjithatë, kjo nuk është tepër vonë për ta ndaluar atë”, thuhet në shkrimin e faqes ruse politrussia.
