Policia e Librazhdit ka arrestuar një 42-vjeçar duke parandaluar një ngjarje të mundshme kriminale.
Autoritetet thonë se ai ka qëlluar me armë gjahu për të kërcënuar fqinjin e tij. Ngjarja ka ndodhur gjatë një sherri për motive pronësie në fshatin Gizavesht.
Fatmirësisht nga të shtënat nuk ka pasur persona të dëmtuar.
“Si rezultat i veprimeve të shpejta operacionale, u kap në flagrancë dhe u vu në pranga shtetasi S. Xh., 42 vjeç.
Ky shtetas dyshohet se gjatë një konflikti për motive pronësie, me fqinjin e tij, shtetasin H. Xh., 80 vjeç, në fshatin Gizavesht, ka qëlluar me armë gjahu, në ajër, për ta kanosur atë. Nga të shtënat nuk ka patur shtetas të dëmtuar.
U sekuestruan në cilësinë e provës materiale, arma e gjahut dhe një sasi municioni luftarak, që posedoheshin pa leje. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme”, njoftoi policia.
