Një aksident i frikshëm ka ndodhur mbrëmjen e sotme në aksin Lezhë-Shëngjin, ku një makinë është përplasur me rimorkion e një automjeti tjetër që vinte përballë dhe më pas ka përfunduar në një kanal buzë rrugës.
Report Tv ka siguruar edhe pamjet në momentin e aksidentit. Ora shënonte 19:52 ku një makinë malli ka kapur pjesën e pasme të një varke me pedale që tërhiqej nga një makinë tjetër. Si duket shkak për këtë aksidenti është bërë mungesa e vëmendjes së shoferit.
Gjatë ditës së sotme kanë ndodhur edhe disa aksidente të tjera. Konkretisht një aksident me pasojë vdekjen ndodhi në Shijak ku viktimë mbeti një drejtues motori. Ndërsa në Librazhd u përplasën 4 futbollistë të këtij qyteti. Po ashtu në Elbasan një tjetër aksident la pas dy të plagosur nga Maqedonia.
Ndërsa në Bilisht dy makina u përplasën me njëra tjetrën por fatmirësisht pa të lënduar. Po ashtu mbrëmjen e sotme një aksident ka ndodhur edhe në Tiranë ku një automjet tip ‘smart’ ka përplasur një këmbësore.
