Situata në Jemen vijon të jetë e rëndë dhe lufta civile vijon ende. Sipas raportimeve të fundit, gjatë luftimeve u ekzekutua ish-presidenti Ali Abdullah Saleh. Ai u vra nga militantët e grupit “Houthi” të cilët dikur i ka pasur aleatë.
Televizioni al-Masirah, i kontrolluar nga Houthi, ka përmendur zyrtarët e grupit që kanë shpallur “përfundimin e krizës së milicisë së tradhëtisë dhe vrasjen e liderit të saj”.
Ndërkohë militantët e grupit kanë shpërndarë një video të trupit të pajetë të ish-presidentit.
Deri në javën e kaluar, përkrahësit e Saleh kishin luftuar përkrah Houthit në një luftë kundër Presidentit aktual të Jemenit, Abdrabbuh Mansour Hadi. Vdekja e Saleh rrezikon përshkallëzimin e situatës në Jemen.
