Teksa ministrja e Financave dhe Ekonomisë ka marrë fjalën në Kuvend, deputetë të opozitës kanë rrethuar foltoren.
Ka qenë Lulzim Basha ai që i është afruar i pari ministres Anila Denaj, ndërsa i janë bashkuar edhe deputetë të tjerë.
Opozita kërkon me ngulm të mos zbatohet rendi i ditës, por kryeministri Edi Rama të jetë prezent në Kuvend për t’u përgjigjur mbi akuzat e Zërit të Amerikës për zgjedhjet 2017.
Ndërkohë kryeparlamentari Gramoz Ruçi ka kërkuar që të respektohet ministrja e re, e cila flet për herë të parë.
Kjo e fundit ka vijuar fjalën e saj pavarësisht prezencës së opozitës në foltore. Ajo foli për shifrat e ekonomisë dhe vitin 2018.
“Konsumi u rrit me rreth 2.83% me terma realë vjetorë. Ndërsa konsumi final i popullatës u rrit me 3.41%. për tremujorin e tretë konsumi total shënoi përshpejtim të ritmit” – tha Denaj.
PJESË NGA DEBATI NË DISTANCË
Basha: Në këtë Kuvend ka kohë që ka rënë hija e mortit. Ka 5 vite që PD denoncon këtë dhe tani gjithçka është transmetuar nga mediat. Mbrëmë u transmetua nga VOA. Ai që e ka shndërruar këtë parlament në krim nuk vjen këtu. I kanë mbaruar ilaçet apo pluhuri. Gjëja e parë që duhet bërë është të ndërpritet seanca. Kemi deputetë që skanë marrë asnjëherë fjalën se nuk kanë asgjë për të thënë. Jeni në shërbim të një grupi kriminelësh.
Spaho: Sot shqyrtojmë aktin normativ për buxhetin 2018 dhe do ishte e udhës që të kemi kryeministren në sallë. Ai duhet të jetë sepse i është bërë një akuzë nga VOA si hajdut zgjedhjesh. Duhet të vijë dhe tu ajpë qytetarëve sqarime. Nëse ka frikë nuk për t’i shpëtuar për shumë kohë përgjegjësisë. Duhet të vijë këtu për t’u përballur me opozitën.
Ruçi: Nëse keni probleme me kryeministrin e dini procedurën që duhet të ndiqet. Ministrja e Financave është këtu dhe nuk më bën precedent për të ndërprerë seancën.
/a.rada
