Ish-kryeministri Sali Berisha, i ka bërë thirrje opozitës shqiptare që të rrëzojë qeverinë Rama duke ëprdorur çdo rrugë të mundshme
Ai e paralajmëroi deputetët e opozitës se, “Nëse nuk e rrëzojnë, ai do të vijojë të qëndrojë në pushtet aq sa ka qëndruar Noriega.”
Po ashtu Berisha u shpreh se ai nuk ka qenë asnjëherë për bojkot të zgjedhjeve, por në kushtet në të cilat ndodhet vendi, ku Edi Rama ka grumbulluar miliarda euro nga trafikimi i drogës, atëherë nuk mund të ketë zgjedhje të lira e të ndershme.
“Të gjitha llojet e formave janë mbi 50 manuale. E ka djegur mandatin e vet Rama. Ata që vendosën flamurin në Kalimash, ata nuk ka vend në Shqipëri që nuk vendosin flamurin e tyre. Opozita është deklaruar për mosbindje civile. Nuk do ketë zgjedhje me Edi Ramën. Për mendimin tim, ky është mendimi im, PD nuk duhet të futet në zgjedhje, në asnjë palë zgjedhje”, ka deklaruar Berisha.
Sipas tij, zgjidhja e vetme është rrëzimi i kësaj qeverie, pavarësisht rrugës që duhet ndjekur, duke përjashtuar luftën civile.
Ai tha se ka rrugë për rrëzimin e një qeverie sa të duash, dhe nuk është vetëm lufta civile mundësia për rrëzimin e saj./a.m.
