Një ditë pasi opozita lajmëroi se nis aksionin opozitar për mosbindje civile, kryeministri Edi Rama duket se nuk e ka prishur aspak qetësinë.
Ashtu si çdo mëngjes edhe këtë të martë në urimin e mëngjesit për ndjekësit e tij, Rama nuk e ka lidhur aspak me situatën politike, por i ka përshëndetur qytetarët me pamjet nga Ballkani i Vlorës.
“Mirëmëngjesi dhe me këto pamje spektakolare nga Ballkoni i Vlorës, hapësira më e re urbane e turistike ndërtuar lart mbi Lungomare, ju uroj një ditë të mbarë”, shkruan ai.
Opozita e bashkuar shpalli mbrëmjen e së hënës, vendimin për të ngritur popullin në protesta, mosbindje civile dhe mospagim taksash e tarifash të shtetit dhe koncesionarëve.
Në një komunikim me mediat në përfundim të mbledhjes së përbashkët PD-LSI, kreu i demokratëve, Lulzim Basha u shpreh se është marrë vendimi unanim për organizimin e protestave mbarëpopullore kundër qeverisë.
Sipas tij këto protesta do të mbahen kundër taksave dhe tarifave të fiksuara nga shteti dhe koncesionarët e kontraktuar nga qeveria, kundër grabitjes së shqiptarëve, kundër sundimit nga krimi.
