Policia e Korçës ka njoftuar ditën e sotme se ka nisur procedim penal për një mjek dhe për një administratoren firme pasi kanë fshehur një ngjarje.
Siç bëhet me dije, mjeku 57 vjeç me iniciale K.M, si dhe administratorja e një firme mermeri, 41-vjeçarja me iniciale Xh.G, nuk kanë raportuar në polici plagosjen punëtorit, 40-vjeçarit me iniciale Ll.L.
Blutë e Korçës thonë se mjeku pasi i ka dhënë ndihmën mjekësore Ll.L, në Spitalin e Korçës, nuk ka kryer raportimin përkatës të rastit pranë organeve të Policisë.
Ndërsa administratorja e firmës, dyshohet se ka shkelur rregullat e mbrojtjes në punë.
Aktualisht shtetasi Ll.L, ndodhet në Tiranë nën kujdesin e mjekëve.
Për hetime të mëtejshme, policia sqaron se materialet hetimore i kanë kaluar Prokurorisë të Rrethit Gjyqësor Korçë.
