Një strategji për të humbur kilet e tepërta? Shoqërimi sa më shumë me miq të dobët. Kush dëshiron që të humbë peshë, synon të ketë kontakte me miq të cilët kanë të njëjtën masë trupore me të tyren, me justifikimin se ndihen më rehat me ta.
Por kjo gjë nuk e favorizon dobësimin, përkundrazi për t’u vënë në sedër duhet shoqëruar me dikë që është edhe më i dobët. Është ky rezultati i një studimi amerikan i Baylor University, në Texas, i publikuar në revistën shkencore “Obesity”.
Për të arritur në këtë përfundim, studiuesit mbajtën në monitorim 9335 persona me moshë nga 18 deri në 65 vjeç.
Ata u pyetën nëse donin të humbnin apo të merrnin peshë. Studimi vlerësoi edhe shpeshtinë me të cilën pjesëmarrësit në studim kishin me shoqërinë dhe peshën e tyre trupore.
U vu re se ata persona që ishin mbipeshë, prireshin të shoqëroheshin me persona të peshës së tyre, ndërsa me persona më të dobët shoqëroheshin më rrallë. Por në rastet kur shoqërimi bëhej me persona më të dobët, u vu re se humbja e peshës bëhej më e lehtë.noa.al/a.k
