Presidenti i Republikës, Bujar Nishani ka mbledhur sot Këshillin e Sigurisë Kombëtarë. Ashtu siç ishte parashikuar, takimi nisi pak minuta pas orës 19:00. Në qendër të diskutimeve të mbledhjes së Këshillit Kombëtar të Sigurisë, që mbahet me dyer të mbyllura, pritet të jenë ngjarjet e fundit të terrorizmit që ndodhën në Paris, dhe rreth situatës dhe kërcënimeve terroriste ndaj të cilave dhe Shqipëria nuk është e përjashtuar.
Në Këshillin Kombëtar të Sigurisë marrin pjesë krerët më të lartë të vendit si dhe krerët e institucioneve kryesore të sigurisë, rendit dhe mbrojtjes në vend, që nga Kryeministri Rama, Kreu i Kuvendit, Ilir Meta, kreu i Policisë së Shtetit, Haki Çako, kreu i Komisionit të Sigurisë, Spartak Braho, ai i SHISH, Visho Ajazi Lika.
