Një ngjarje e rëndë kriminale ka ndodhur mesditën e sotme në një fshat të Lezhës ku dy burra rreth 60 vjeç janë gjetur të pajetë.
Ata janë identifikuar si Prengë Simoni dhe Kolë Murrani (rapsodi i njohur i zonës), për të cilët policia dyshon se janë vrarë me armë zjarri.
“News 24” mëson se djali i njërit prej viktimave ka pikasur trupat në një kodër dhe ka lajmëruar policinë.
Ndërkohë, thuhet se fshati Lalm i Vjetër, zonë e thellë kodrinore është krehur disa herë nga policia për shkak të kultivimit të lëndëve narkotike.
Shërbimet e Policisë kanë shoqëruar disa persona që mund të kenë dijeni lidhur me ngjarjen.
Grupi hetimor ndodhet në vendngjarje dhe nën drejtimin e Prokurorisë po vijon punën për të përcaktuar shkakun e rrethanat e ngjarjes.
/a.r
