Në mesin e numrit të madh të kërkesave për ndihmë, mbrëmjen e djeshme ka mbërritur në qendrën operative në Perugia një thirrje e një burri, gjatë periudhës kur tërmeti goditi përsëri Italinë qendrore. Padyshim thirrja për ndihmë ishte bërë nga prindërit e vogëlushes Talj.
Foshnja tashmë është quajtur si “fëmija i Shpresës”, pasi erdhi në botë vetëm pak minuta pas tërmetit të dytë, më të fortë dhe më të frikshëm. Tani e porsalindura ndodhet në spitalin e qytetit bashkë me nënën e saj, ku raportohet se të dyja janë në gjendje të mirë shëndetësore.
Siç shkruan Perugia Todey gjithçka ka ndodhur pas mesnate, kur një burrë ka njoftuar se po transportonte gruan e tij 9 muajshe shtatzënë për në spital, mes lëkundjeve të tërmetit, pasi asaj i kishin plasur ujërat dhe ishte gati për të lindur dhe për të sjellë në jetë vajzën e saj.
“Këshilla jonë e fundit ishte që menjëherë të ndalonin makinën dhe të prisnin për ardhjen e ndihmave. Nuk vonoi shumë dhe pas disa minutash pranë tyre mbërriti një ambulancë e cila mori gruan dhe u nisën drejt spitalit të Perugias, ndërsa gruaja ishte në fazat e fundit të lindjes. Ajo u ndihmua nga punonjëset e spitalit Valentina Ruscitto dhe Marta Crispoltoni, të cilat u kujdesën për shëndetin e nënës dhe vogëlushes së porsalindur”
Vogëlushja Talj peshon 2.800 kg dhe është në gjendje të mirë shëndetësore. “Në natën e të mërkurës, mes gjithë atij dëshpërimi u shpëtua një jetë e re, ishte tamam si një ngushëllim për fatkeqësinë që po përjetonin njerëzit e zonës.
Jemi të lumtur të lumtur që në mes të një nate të mbushur me frikë dhe ankth i kemi falur një gëzim kaq të madh këtyre prindërve, por edhe një grimë shprese për të gjithë njerëzit e prekur nga tërmeti”, thanë punonjësit e spitalit./a.k
