Kryeministri Edi Rama ja ka kushtuar “komunikimin e javës” në rrjetin e tij social lajmit të mirë për hapjen e dritës jeshile nga BE, që Shqipëria të hapë negociatat për tu bërë vend anëtar i Bashkimit Europian. Në mesazhin e tij Kryeministri ka thënë se nuk ka asnjë kusht që e pengon Shqipërinë drejt integrimit të plotë, përveçse nisjes së procesit të reformës në drejtësi dhe veçanërisht vettingut, që PD kërkon ta shpallë si antikushtetuese. Kryeministri theksoi se PD do të vijojë të sulmojë reformën në drejtësi dhe jo vetëm vettingun, por të gjitha ligjet e saj, sepse ka frikë nga to, si djalli temjanin.
Fjala e Ramës
3 vjet më parë Shqipëria ishte një vend i refuzuar, 3 herë me rradhë në 3 vite rresht në përpjekjen për të marrë statusine kandidatit. Një shtet i pareformuar dhe me një kryeministër që kishte humbur cdo respekt ndërkombëtarisht dhe që prej disa vitesh nuk e qaste askush në derë. Rrruga e integrimit europian të Shqipërisë ishte kthyer në një rrugë të rrëshqitshme
Dinamika e re e politikës sonë të jashte i ka rritur ndjeshëm kuotat e vlerësimit të Shqiërisë dhe urat e komunikimit tonë në rajon e ndërkombëtarisht janë më të fuqishme se kurrë më parë. Sdot, në harkun e vetëm 3 viteve, vendi sapo ka marrë rekomandimin për çeljen e negociatave.
Komisioni europian e ka vlerësuar aq maskimalisht punën tonë saqë ka çelur dritën jeshile për hapjen negociatave për anëtarësim. Kazani i broçkullave që zien përditë në mjedisin tonë politik, zhurmoi me të madhe me demek kushtet që do ti viheshin Shqipërisë. Madje shqiptarët dëgjuan se edhe kanabisi do të ishte kusht për çeljen e negociatave, zgjedhjet e ardhsme do të ishin kusht, një qeveri e re me një kryeministër tjetër do të ishte kusht..
Thanë çfarë nuk thanë. Gënjyen dhe sajuan çfarë u dëshironte mendja dhe zemra, që për fat të keq vetëm çeljen e negociatave nuk donte… sepse për ta Shqipëria është e mirë vetëm kur punët e tyre janë mirë dhe është e dashur vetëm kur janë ata në pushtet. E vetmja gjë që lanë pa thënë ishte e vërteta e thjeshtë se Shqipëria do të merrte çeljen e negociatave pa kushte, me vetëm premtimin se reforma në drejtësi do të vijonte, konkretisht me nisjen e Vettingut.
Quajeni dhe kusht po të doni, është zbatimi i Vettingut, por ama sdo as mend e kalem, që kjo premisë apo kusht, është në rradhë të parë premisa apo kushti i vetë nesh… nuk na e ka diktuar askush atë.
Më lejoni tju shpjegoj se mes momentit kur jepet rekomandimi dhe uljes në tryezë për të hapur fashikujt e mëdhenj të hapjes së negociatave, ka si rregull një periudhë përgatitor… nuk ka pëikë dyshimi se shqipëria do të çelë negociatat, sapo e gjithë puna përgatitore do të jetë kryer.
Ska si të ketë më pikë dyshimi se opozita jonë po na turpëron me brockullat e saj me kanabistanin dhe me stanin e lepujve që përfaqëson. Gjithashtu po të shihet eksperienca e vendeve tjera me BE-në, as nuk diskutohet që nënvizimi apo po të doni kushtëzimi i çeljes së negociatave është diçka mëse normale. Kush mund ta imagjinojë se negociatat do të çelen nëse nuk do të batohet vettingu?!
E dinë këtë edhe dritëshkurtërit, që e kanë bllokuar përkohësisht vettingun, me një kërkesë të turpshme për ta shpallur antikushtetuese, por edhe me një qëllim të dukshëm, për të vonuar hapjen e negociatave.
Me siguri do të thonë pa pushim se nuk ka negociata me kanabis, me këtë qeveri e dreqi e di me çfarë e sa do të thotë e stërthonë, për të penguar shqiptarët që të gëzohen me këtë lajm historik.
Nuk diskutohet që do të bëjnë çmos për të penguar jo vetëm vettingun, që i tmerron si temjani djallin, por edhe të gjithë ligjet e tjera të reformës.
E vetmja gjë që ne do të bjën është të vazhdojmë në rrugën tonë dhe të luftojmë për ta bërë atë sa më parë anëtare në BE. Dua tju them se unë jam më i vetëdijshëm se kurrë se pavarësisht kësaj opozite, ne vetë kemi shumë gjëra për të përmirësuar… unë vetë kam shumë gjëra për të përmirësuar… qeverisja ka ende po ashtu plot gjëra për të përmirësuar, në rradhë të parë duke u afruar më shumë shpirtërisht me të gjithë njerëzit dhe jo vetëm me votuesit tanë./java/a.k
