Në kuadër të operacionit policor të koduar “Vilza 1” është arrestuar 38-vjeçari me iniciale V.P. në Shkodër.
Gjatë këtij operacioni, në fshatin Vilzë, shërbimet e Policisë kanë kapur në flagrancë duke qarkulluar me motor 38-vjeçarin të cilit gjatë kontrollit fizik, i gjetën një qese me 625 fara të dyshuara kanabis.
Në përfundim të veprimeve, u sekuestruan në cilësinë e provës materiale farat e kanabisit dhe motori i tij.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
/a.r
