Një person në Korçë e ka gjetur veten të prerë në besë nga një miku i tij, të cilin e kishte mbajtur në shtëpi për të fjetur.
Gjatë ditës së djeshme u bë një denoncim në polici dhe i’u referuan materialet Prokurorisë së Korçës, për shtetasin R.D., banues në Maqedoni.
Gjithçka pas kallëzimit të bërë ndaj tij nga 55- vjeçari Y.K., banues në Korçë.
Paraditen e djeshme ai është paraqitur në polici duke thënë se R.D., më 27 nëntor e ka futur në banesën për të fjetur i cili kur është larguar i ka marrë një laptop dhe një kuti për kursimin e lekëve, me pretendimin se i ka pasur një borxh.
55- vjeçari ka thënë se mysafiri kishte humbur gjurmët menjëherë pas zgjimit dhe se teksa kanë folur në telefon ka pohuar se i kishte marrë sendet që mungonin në shtëpi.
Lidhur me denoncimin e bërë dhe pretendimet e të dyshuarit Prokuroria ka nisur një hetim, për të hedhur më shumë dritë mbi gjithë sa ka ndodhur si dhe për përcaktimin e shumës së plotë të parave të vjedhura./a.k
