Dënimi i Radovan Karaxhiçit për “Masakrën e Srebrenicës” është përshëndetur sot nga Presidenti Ilir Meta.
Ky i fundit shkruan se burgu përjetë ndaj Karaxhiç është një mësim për të gjithë, që të punohet pa u lodhur për bashkëjetesën mes popujve.
“Vendimi i sotëm i Tribunalit të Hagës, që dënoi Radovan Karaxhiçin, është jo vetëm një drejtësi e vonuar, por mbi të gjitha një thirrje që mos të harrojmë urrejtjen etnike e genocidin që buron prej saj dhe një mësim për të punuar pa u lodhur për bashkëjetesën e harmoninë mes popujve, kombeve dhe etnive në Ballkan” – shkruan Ilir Meta në rrjetet sociale.
/a.r
